Culpèvule d’esse militante
A Manca vole dinuncià di modu franch’è chjaru a sintenza iniqua prununciata oghje da u tribunale di Bastia contr’à i militanti sindicalisti Alanu Mosconi è Felice Da Gregorio. Ci tocca à ripete, à rifucinà sempre a listessa cosa : ùn accittaremu mai chì u putere sarcuzistu criminalizeghji l’attività militante ch’elle sianu pulitiche, assuciative o sindicale.